كود سبور//

تهرب التونسي نصر الدين نابي مدرب الجيش الملكي من الكشف على المستقبل ديالو مع الفريق العسكري، حيث عارف راسو غايمشي.

وبعدما ربح الجيش الملكي الخصم ديالو المغرب الفاسي فدومي فينال كأس العرش وتأهل للفينال، داز مدرب ليفار نصر الدين نابي مع قناة الرياضية، وتطرح عليه سؤال حول المستقبل ديالو مع الجيش الملكي، ولكن تهرب من الجواب على السؤال وقال إن التركيز دابا على الفينال ومن بعدها تكون الهضرة.

وكيأكد جواب التونسي نصر الدين نابي أن الأيام ديالو مع فريق الجيش الملكي ولات قليلة وغايمشي بحالو من بعد فينال كأس العرش، حيث عندو عرض من فريق كايزر شيفر الجنوب إفريقي.