وكالات//

احتافل العالم كامل نهار الاثنين، لي صادف 6 ماي، اليوم العالمي ديال “لا رجيم” يعني النهار لي ممكن تاكل فيه لي بغيتي.

وكيخلي هاد النهار الناس في العالم كامل أنهم ياكلو لي بغاو وميلتازمو بحتى رجيم، على حساب ماكيقولو الناس لي كيدافعو عليه وكيلتازمو بيه.

الهدف من هاد اليوم، هو أن الناس تزيد توعى بالجسد ديالها وتتصالح معاه كيفما هو ومتورطش راسها في ريجيم لي يقدر يضر الصحة ديالها.

والأهم في هاد النهار هو الصحة العقلية وماشي بالضبط تدير واحد الجسد لي غادي مع الموضة، وداكشي لي بغاوك الناس الآخرين تكونو.

على حساب ماقالت بزاف ديال التقارير الصحفية، فأول وحدة لي دارت هاد النهار هي الناشطة النسوية الإنجليزية ماري إيفانز يونغ وهادشي كان عام 1992.