كود سبور//

أكد الدولي السنغالي كاليدو كوليبالي ان المنتخب ديال بلادو باغي يرجع هو الأول إفريقيا فتصنيف الاتحاد الدولي لكرة القدم “الفيفا”، ويسترجع صدارة القارة من المنتخب الوطني المغربي اللي خذاها بعد الإنجاز التاريخي فكاس العالم 2022.

وتحدث كاليدو كوليبالي فتصريح له قبل ماتش المنتخب السنغالي والبنين وقال: “عارفين ريوسنا مؤهلين إلى كاس إفريقيا، ولكن خاصنا نقدمو ماتش زوين، ونربحو المباراة، وأهم حاجة وهي نشوفو أكبر عدد من اللاعبين ديالنا لاعبين هذا الماتش وما نحكروش الخصم”.

وكمل اللاعب السنغالي وقال: “خاصنا نرجعو حنا الأولين إفريقيا فالترتيب ديال الفيفا، راه المغرب فايتنا وهذا تحدي كبير بالنسبة لنا وهذه هي كرة القدم، وغنديرو جهدنا كامل باش نربحو الماتش ديال البنين ونطلعو فالتصنيف ديال الفيفا”.