كود سبور- فيلادلفيا//
عبر كولو مواني لاعب يوفنتوس الطالياني على الفرحة ديالو حيث ربحو يوفنتوس الطالياني فالجولة الاولى من دور مجموعات كاس العالم للاندية 2025، وتوعد بالرباح على الوداد فالجولة الثانية.
وبعدما ربحو يوفنتوس العين الاماراتي بنتيحة 5-0، واللي ماركا منها كولو مواني 2 اهداف وخدا احسن لاعب فالماتش، قال فتصريح له: “فرحانين بزاف بالرباح فهاد الماتش، وحيث ماركيت 2 بيوتا، ودرنا ماتش كبير”.
وبخصوص الماتش المهم بين الوداد الرياضي ويوفنتوس الاحد الجاي 22 يونيو، قال كولو مواني: “حنا واجدين الماتش الجاي ضد الوداد”.