وكالات//

عدمات كوريا الشمالية واحد الشاب من المواطنين ديالها بسباب أنه سمع لأغاني البوب ديال كوريا الجنوبية، وتفرج في أفلام ديالهم.

هاد الخبار جابو الجورنال ديال “ميرور” البريطانية، ونقلو من شهادات ديال واحد من المنشقين من النظام، ولي قال أن هاد السيد لي تعدم عندو 22 عام.

وكيقول هاد المنشق، لي مابغاش يكشف على الاسم ديالو، أن هاد الشاب تاهموه أنه سمع لأكثر من 70 أغنية ديال البوب من فرقة كوريا جنوبية، وتفرج في 3 ديال الأفلام.

وقال أن هاد الإعدام كان حدا الناس في عام 2022 وكيجي بسباب القانون الجديد لي دارتو كوريا الشمالية عام 2020 ولي كيمنع على المواطنين ديالها يتفرجو ولا يسمعو للأغاني ولا الأفلام ديال كوريا الجنوبية وكيتهاموهوم بالانحلال ولا الرجعية.