كود – عن يابلادي//

نوض فيديو ديال مغربي ف مركز احتجاز بمدينة هواسونغ بمقاطعة جيونج ف كوريا الجنوبية روينة.

وكيبان ف الفيديو اللي مسجل بكاميرا ف مركز احتجاز، مهاجر مغربي ويدو مكتفين ورا ظهرو، وراسو مغطي، ورجليه مربوطين حتى هما.

وكيبان المهاجر المغربي ف الفيديو وهو كيحاول يدخل للطواليط اللي حداه بلا مايقدر.

https://twitter.com/koryodynasty/status/1442877953986097161?s=21

وقال المغربي اللي وصل لمركز الاحتجاز ف مارس اللي فات، للتلفزيون الكوري الجنوبي “jtbc”: “ماقدرتش نتنفس. ماعمرني ننسى ف حياتي هادشي اللي دارولي”.

ووصف هادشي اللي تعرض ليه بأنه “صدمة حياتو”.

ووصل المغربي لكوريا ف أكتوبر 2017 كطالب لجوء. وتم إرسالو لمركز التوقيف ف مارس 2021، بعد صدور أمر بطردو. واحتج على ظروف اعتقالو وطلب الحصول على علاج طبي للأمراض العقلية والجسدية اللي عانى منها، ولكن طلباتو ترفضات.

وحسب ماذكر موقع “كوريا تايمز”، تدار ف الحبس الانفرادي 12 المرة، ودوز ثلث وقتو ف المركز ف زنزانة مساحتها 10 أمتار مربعة.

وقالت جمعية قانون المصلحة العامة، اللي علنات أنها قدمت التماس إلى وزارة الدفاع الكورية: “قدمنا تفاصيل القضية لفريق الأمم المتحدة العامل المعني بالاحتجاز التعسفي ولجنة مناهضة التعذيب التابعة للأمم المتحدة. وطالبت بالإفراج الفوري على المهاجر المغربي.

وقالت الحكومة الكورية انها اتخذت “الحد الأدنى من الإجراءات لضمان سلامتو”. وتابعت أنها فتحات تحقيق، ولكن زادت ان الشخص المعني “حطم منشآت بحال الجعاب ديال الما، والشراجم والطواليطات، وعرض العاملين ف المركز للاعتداء.