وكالات//

دعا الرئيس ديال كوريا الجنوبية يون سوك سول، باش يدير واحد الوزارة جديدة في الحكومة ديالو غادي تكون متخصصة فقط للإنجاب.

هادشي جا في الوقت لي كتعاني فيه البلاد، بحال الجابون، من مشكل ديموغرافي حقيقي، بسباب ضعف الخصوبة وقلة المواليد، حينت الجيل الجديد لي عندهم مابقاش كيتجوج وكيولد.

في 2023 انخفض عدد الأطفال لي تولدو في كوريا الجنوبية، لي عدد سكّانها 51 مليون نسمة، إلى أقل مستوى له (230 ألف) على حساب ما قالت سيول في فبراير لي فات.

وكيجي هاد التراجع واخا حطات الحكومة مليارات الدولارات باش تشجع الولادات.

معدّل الخصوبة حتى هو انخافض في كوريا الجنوبية إلى 0,72 طفل لكل امرة، وهو أقلّ بكثير من معدّل 2,1 لي خاض ضروري يكون باش يحافظو على مستوى السكّان.