الرئيسية > آش واقع > كورونا. ها علاش متحور “ديلطا” كينتاشر كثر من الاخرين
22/07/2021 07:00 آش واقع

كورونا. ها علاش متحور “ديلطا” كينتاشر كثر من الاخرين

كورونا. ها علاش متحور “ديلطا” كينتاشر كثر من الاخرين

كود- عن لو باريزيان//

دراسة اولية دارت من طرف باحثين شينويين كشفات أن المتحور الهندي كيقلص مدة حضانة الفيروس لمدة يومين، هذ الميزة اللي كتخليه مختلف على باقي المتغيرات.

وحسب الدراسة، الشخص المقيوس بمتحور “ديلتا” كيقدر يتعادا يوماين قبل من السلالة العادية، وهذشي اللي كيفسر سرعة انتشارو ففرنسا وغيرها من الدول.

وحسب دراسة المركز الصيني لمكافحة الأمراض والوقاية منها، اللي تم نشر عملهم على موقع medRxiv، تم تتبع حالة إصابة 167 شخص بالفيروس، وتبين ان حمولة الفيروس عندهم طالعة ب1260 مرة من السلالة العادية.

وتدارو للناس المختبرين، والموضوعين فالعزل الصحي، اختبارات PCR بشكل يومي، وتبين أن كيبقى ديلتا لمدة 4 أيام فالمعدل، مقابل 6 ايام بالنسبة للفيروس العادي ديال 2020.

وقالت ساندرين سارازين، باحثة في مركز Marseille-Luminy المناعي، أنه “تقدر تكون الإصابة بالمتحور أكثر عدوى حيت الفيروس كيتكاثر بشكل أسرع وكمية الفيروس فالأنف عالية بشكل كبير”.

وزادت ان الفيروس كيقد يتحور وسط نفس الشخص، وهذشي علاش كيخص الحد من انتقال العدوى باش نتجنبو ظهور متغيرات خرى”.

https://www.leparisien.fr/societe/sante/covid-19-pourquoi-le-variant-delta-est-si-contagieux-19-07-2021-XDXZKGRZZFH7DHCUBNTKTQKA6A.php#xtor=AD-1481423552

موضوعات أخرى