الرئيسية > آش واقع > كورونا كيفضح الجشع والأنانية. وكالات الاستشارة فالتواصل لي كتلهط الملايير كتقول للمغاربة ديرو الصينية وعاونوني
23/03/2020 21:00 آش واقع

كورونا كيفضح الجشع والأنانية. وكالات الاستشارة فالتواصل لي كتلهط الملايير كتقول للمغاربة ديرو الصينية وعاونوني

كورونا كيفضح الجشع والأنانية. وكالات الاستشارة فالتواصل لي كتلهط الملايير كتقول للمغاربة ديرو الصينية وعاونوني

كود كريم الشركي///

في أي أزمة تكون هناك بعض الأمور الجيدة، وفهاد الازمة اللي كيعيشها العالم، كاين حاجة زوينة، هي أن المغاربة عرفو شكون معاهم وشكون كيفكر غير فراسو، شكون رجال الاعمال اللي ماتابعش غير اللهطة وشبعان، وشكون اللي مامسوقش وخاصو يربح من أي حاجة مثله مثل “الحانوتي” الذي يشتغل في تنظيم الجنائز.

قطاع التواصل والتسويق والمهن الابداعية، لي فيه شركات الاستشارة فالتواصل لي كتنظم المهرجانات، أو لي كادير الاعلانات، ولي كاتشد الاشهارات، هاد الشركات دارو بلاغ قالوا أنهم يقدوا يدوزوا فأزمة ومطالبين بنداء للتضامن معاهم.

هاد اللهطة لي فهاد الناس خطيرة، ماعارفينش أن الفلوس فهاد الساعة ماعندهاش قيمة، القيمة الان فالصحة، لكن هوما واخا يكونوا كيموتوا غايفكرو غير فالدرهم.

هاد الناس كيظلوا يشريو فآخر السيارات، وهادشي حقهم وبصحتهم، ولكن دابا باش يجيو يزاحمو المسكين ويبداو يسعاو وخاصهم ميخسروش كاع، هادي سميتها الجشع والأنانية زخاصهم بوحدهوم يركبو فمركب النجاة واللي بقى موراهم يغرق فالطوفان، غير اللي مافاهمينوش أنه مكاينش مركب نجاة الآن، السفينة حنا فيها كاملين، إما نوصلوا بيها أو تغراق بالجميع.

موضوعات أخرى

06/04/2020 13:46

الكورة فزمن كورونا.. السلامي: 10 ايام ما خرجت وبدينا لونتريمو الجماعي عبر تطبيق التواصل الافتراضي وكل واحد فالطاقم التقني مكلف بمجموعة – فيديو

06/04/2020 13:05

المغاربة باقي فيهم الخير في زمن جايحة كورونا.. فندق لافولوك بالهرهورة يستقبل يوميا حالات مشتبه بها.. ومستشفى سيدي لحسن بتمارة غدا يتفتح من جديد لاستقبال المرضى

06/04/2020 12:30

رئيس المجلس الجهوي لنقابة الأطباء فكازا لـ”كود”: ها علاش ماتو الأطباء فالمغرب ب”كورونا” وها أسباب الموت ديالهم.. والأطر الطبية معرضة للوفاة بالفيروس كثر من كَاع الناس