الرئيسية > آش واقع > كورونا غلات الزطلة ودارت مشكل للكماية.. والبزناسة بحالهم بحال مالين الحوانت ماكاين غي الزيادة
26/03/2020 09:30 آش واقع

كورونا غلات الزطلة ودارت مشكل للكماية.. والبزناسة بحالهم بحال مالين الحوانت ماكاين غي الزيادة

كورونا غلات الزطلة ودارت مشكل للكماية.. والبزناسة بحالهم بحال مالين الحوانت ماكاين غي الزيادة

كود كازا//

هاذ كورنا رونات كلشي ولم يسلم اي نشاط من تأثيرها. تجارة الزطلة بالتقسيط تاثرت بشكل كبير. البزناسة الصغار حتا هما بحال التجار الصغار معطلوش الكماية وزادو فثمن البيع البيع.

طريف ديال 30 درهم ولى بخمسين درهم. و الكماية اللي كان كتقام عليه البلية ب150 درهم فالسيمانة خاصو 250 درهم باش يقاد لمجاج.

زطايلية معندهمش مشكل مع الحجر عندهم مشكل مع البيع ديالها ولى مزير، و عندهم مشكل مع الثمن.

فسهب القائد الصفيحي بسلا أحد معاقل بيع الزطلة القضية مزيرة الكليان كيوصلوا بصعوبة وملي كيوصلوا كيصعاب عليهم يلقاو البزناسة حيث الدنيا خاوية الشي اللي كيفرض على البزناس يدير احتياطات ديالو مع المخزن اللي منتشر بقوة.

فسيد الشافي بضواحي السهول القضية محنسرة كثر حيث ولاو بزاف ديال البارجات باش توصل للمرارات وملي توصل خاصك تقبل ثمن البيع، هاذ الشي واقع حتى فعكراش ضواحي عين عودة.

الحصول الزطلة فزمن كورونا دارت الكرون.

موضوعات أخرى

04/04/2020 21:22

المديرية العامة للوقاية المدنية لـ”كود”: لحدود الساعة متصاب حتى عنصر من البُومْبِيَة بـ”كورونا” وكاين واحد فهاد المدينة داير الحجر الصحي