الرئيسية > آش واقع > كورونا ضرب سونتر دابيل فأكادير
25/07/2020 15:30 آش واقع

كورونا ضرب سونتر دابيل فأكادير

كورونا ضرب سونتر دابيل فأكادير

عفراء علوي محمدي- كود//

عرفات “كود” من مصادر محلية أن جوج دالناس تقاصو بفيروس كورونا المستجد فأكادير، وهكذا ارتفع عدد المصابين فعاصمة سوس ل51 حالة، بعدما كان مستقر عدد الحالات فالإقليم ف49 هذي كثر من سيمانة.

وحسب نفس المصادر، فالأمر كيتعلق بجوج بنات خدامين فواحد السونتر دابيل فالسونتر فيل فأكَادير، بينما تحاليل مجموعة من الزملاء ديالهم خرجات سلبية.

والمندوبية دالصحة تكلفات بإجراء التحاليل لمخالطي هذ جوج بنات، وهي التحاليل اللي ممكن تكشف عن إصابات جديدة بالفيروس.

وكان المندوبية عممات التحاليل على كَاع الوحدات الصناعية والتجارية والمهنية فاكادير، ومن ضمنها لي سونتر دابيل، وخلالهذ الحملة ديال التحليلات بانو هذ جوج إصابات.

موضوعات أخرى

07/08/2020 09:36

رئيس الوداد داها فالصراعات الخاوية ودخل فحروب من التحت ضد لقجع والنتيجة: خسر فبركان والبطولة قريبة تمشي ليه

07/08/2020 09:02

باش يرجع الوسام الملكي قيمتو اللي مسها امثال دنيا باطما. عيد العرش هاد العام خاصو يعلق اوسمة لبحال القايدة حورية والبوليس والجدارمية وناس الصحة