كود سبور//

رجع فيروس كورونا يدور بالفرق ديال البطولة الاحترافية لكرة القدم، وهذا الشي بعد مدة طويلة على تسجيل حالات اصابة بالفيروس وسط اللاعبين والأطقم التقنية ديال الاندية.

وحسب مصادر “گود”، فالإصابة بفيروس كورونا المستجد، تسجلت فأولمبيك آسفي، والأمر كيتعلق بمدرب الفريق زكرياء عبوب، اللي كان جاتو كريز قبل ايام وبالضبط قبل ساعات من ماتش القرش المسفيوي وفريق الفتح الرياضي الثلاثاء الماضي، ضمن الدورة 18 من البطولة الاحترافية.

نفس المصادر، وضحت ان زكرياء عبوب كيخضع دابا للعلاج وبلي ولات الحالة ديالو شويا، وأنه غيغيب على ماتش اولمبيك اسفي ضد شباب السوالم غدا السبت ضمن الدورة 19 من البطولة الإحترافية.