الرئيسية > كود سبور > كورونا بعثر اوراق الكرة فالعالم…الجامعة ما عرفاش واش غادي تكمل البطولة وصعيب تبدا فهاد الظروف واللقب خاص يتعطى للوداد حسب القانون
04/04/2020 11:00 كود سبور

كورونا بعثر اوراق الكرة فالعالم…الجامعة ما عرفاش واش غادي تكمل البطولة وصعيب تبدا فهاد الظروف واللقب خاص يتعطى للوداد حسب القانون

كورونا بعثر اوراق الكرة فالعالم…الجامعة ما عرفاش واش غادي تكمل البطولة وصعيب تبدا فهاد الظروف واللقب خاص يتعطى للوداد حسب القانون

كود سبور//

الأندية العالمية مازال تعيش على وقع صدمة فيروس كورونا المستجد، بعدما بعثر أوراقها وخلاها تعاني كسادا ماليا غير مسبوق.

بزاف ديال الاتحادات الكروية بدات كتفكر في اعلان نهاية الموسم الكروي بحال بلحيكا، اللي عطات اللقب لصاحب الصف الأول، وهولندا أكدت أنها مازال ما قرراتش بعد في الكرة، لأن همها هو إنقاذ ضحايا هاد الفيروس القاتل.
وحتى في إنگلترا وفرنسا وإسبانيا مازال ماعروفش واش غادي تستأنف البطولة ام لا.

أما عندنا فالمغرب، فالجامعة ما عارفاش حتى هي واش البطولة غادي تستأنف أم غادي تعلن سنة بيضاء.

بزاف ديال السيناريوهات مطروحة إلا قررت السلطات المختصة استمرار الحجر وحالة الطوارئ مدة طويلة، حينها غادي يصعاب تنطلق البطولة من جدبد، لأن اللعابة خاصهوم على الأقل اسبوعين ديال لونتريمو باش يرجعوا الفيزيك، وإلا غادي تكون العديد من الاصابات في صفوف اللاعبين. باختصار المفيد غادي يكون من الصعب تبدا البطولة في هذه الظروف.

واش كايگول القانون في مثل هذه الحالات، اسبانيا مثلا كتعتبر صاحب الصف الأول هو البطل، بمعنى أن برشلونة الإسباني سيكون الفائز بالليغا الا قرر الاتحاد الاسباني عدم إتمام البطولة.

لهذا فالجامعة كتفكر جديا في هاد السيناريو يعني أنها غادي تعطي اللقب الوداد البيضاوي، باعتباره صاحب المركز الأول والقانون في جنبو، في الوقت اللي جهات أخرى تدفع في تجاه موسم ابيض، اي تعليق اللقب وحتى واحد ما ينزل أو يطلع، لكن هاد المقترح يقدر يكون بعيد يتحقق.

الأيام المقبلة غادي تكون حاسمة عند الجامعة لانه إذا استمر الحجر والحالة الطوارئ فمن الصعب استئناف البطولة، وما عليها إلا إعلان الوداد البيضاوي بطلا للموسم الحالي، حسب القوانين المنظمة.

موضوعات أخرى

01/06/2020 15:18

الاتحاد الأوروبي معاون المغرب على جائحة “كورونا”.. ها شحال اعطا من مليون درهم لاقتناء معدات صحية لدعم جهود مكافحة الفيروس فلحبسات -تصاور

01/06/2020 14:09

بوشكيوة ترد على هجوم القزابري : وصف “البايرة” شخصنة مرتبطة بالكبت الجنسي والحرمان والحقد على المرأة.. وكنطلب من كَاع اللي سبوني يردو البال حيت ارتكبو “جريمة الكراهية والتحريض على العنف” وممكن يتشدو