كود سبور//

توعت البلجيكي تيبو كورتوا حارس مرمى ريال مدريد الإسباني، وهذا الشي قبل ما يرجع يلعب مع الفريق بعد أشهر وهو گالس بسبب اصابة جاتو الصيف اللي فات، ودابا سالا عندو الموسم.

وعلن ريال مدريد الإسباني فبلاغ له، على إصابة الگول البلجيكي تيبو كورتوا فالركبة ديالو اليمنى، وهذا الشي فالتداريب اليوم الثلاثاء، وحسب النادي راه كيديرو له الفحوصات ودايرينو تحت المراقبة الطبية.

وكانو ريال مدريد معولين على البلجيكي تيبو كورتوا يرجع باش يلعب معهم ما تبقى من الماتشات الحاسمين فهاد الموسم، لكن وحسب جريدة “ماركا” الإسبانية فاللاعب خاصو يدير عملية ضروري باش يتعالج على ركبتو، وخا هاد الإصابة ديال دابا ماشي بحال الاولى ولكن الموسم سالا عندو، وخاص ريال مدريد يبدا يوجد معه للموسم الجاي.