كود مراكش ////

“كود” بحال باقي الصحف المغربية تقدمات بطلب اعتماد لمهرجان مراكش الدولي للفيلم باش تغطي دورتو الحالية. دخل المصور الصحافي حسني دكالي ورسل ليهم الوثائق المطلوبة. بدا المهرجان و”كود” ما كايناش. ما قبلوش اعتمادها. الوكالة اللي واخذة المارشي “أ 3 ” للتواصل ديال البرلمانية فمجلس المستشارين نايلة التازي، ما رسلات حتى رد. سولناها ما جاوباتش.

گلنا باللي ممكن تكون مؤسسة مهرجان مراكش للفيلم حاطة “كود” فالبلاك ليست. سبق لينا ف”كود” لعدة دورات كنا ضد هيمنة لفرانسيس على تنظيم هاد الحدث السينمائي لكبير. ضد فشل المنظمين فمغربتو بالكامل. هاد الشي عبرنا عليه. اتصلنا بنائب رئيس مؤسسة المهرجان. نفى وجود “كود” او اية وسيلة اعلام مغربية ف”بلاك ليست” وباللي ابدا واش عندهم شي علاقة بقبول او رفض الاعتماد

دابا باقية الوكالة اللي لحد الان وبعد استفسارها ما رجعاتش عندنا باش تجاوب. ضربات الطم. 

دابا هادا ماشي مهرجان الوكالة او غيرها. اللي فيه شروط ياخذ الاعتماد. من حق شي صحف يكون عندهم جوج او اكثر معتمدين. حنا باغيين غير الاعتماد ووسائل العمل. حتى الاقامة غير خليوها عندكم. ديما ف”كود” كنقولو باللي تحقيق الاستقلالية كيبدا بحدث بحال هادا يعطيك الاعتماد ووفر ليك شروط الخدمة ويجيب ليه صناع الفن السابع لحوارات فقط لا غير. ديما مع حذف الاقامة ووو. 

دابا “كود” تمنعات بسباب غباء شي طرف. المؤسسة هدرات. الوكالة ضربات الطم