كود -وكالات //

مني كيمرض شي واحد، أول حاجة كيديرها هي كيشرب الدوا مع كاس دالماء، حيث الكينات ولاو هما الاختيار العادي عند أغلب الناس ،ولكن كاين نوع آخر من الأدوية مضلومين إعلاميا.

وخا أن بزاف ديال الناس كيتفاداو يهضرو عليهم بسبب الحشمة، ولكن الدراسات الطبية بينات أن القويلبات كتقدر فبعض الحالات تكون سرع وحسن ودقة ببطلة من الكينات ،
الفرق كيبدا من الطريق اللي كيدوز منها الدوا وسط الجسم،حيث ملي كتصرط الكينة، كتمشي للمعدة والمصران، وفهاد الطريق كتأثر عليها العصارات الهضمية وكيضيع جزء من المادة الفعالة ديالو، ومن بعد كدوز على الكبدة اللي كيزيد ينقص من كمية الدوا اللي كتوصل للدم، وهي العملية اللي كيعرفوها الأطباء بـ”المرور الأول من الكبدة”.

أما القويلبات فكتخدم بطريقة مختلفة ،مني كطلع مع القاع، كدوب بحرارة الجسم وكتوصل مباشرة لشبكة ديال الأوعية الدموية اللي كتمتص المادة الفعالة دغيا وبهذا الشكل كتفادى جزء كبير من التأثير ديال الكبد، وكتخلي كمية أكبر من الدوا توصل للدورة الدموية.
.
وباش تعطي التحميلة المفعول ديالها مزيان، خاص طريقة الاستعمال تكون صحيحة، أول كينصحو بهاة الأكحاجة خاص تغسل يديك مزيان بالما والصابون، ومن بعد تكا على جنبك وتثني الركبة لجهة الصدر، عاد كدخلهم بشوية من جهة الطرف الحرش هاد كدفعها بصبعك و من الأحسن تبقى ممدود شي 15 دقيقة تقريباً باش ما يخرجش القويلب قبل ما يدوب كيف ما مكيوصيو الاطباء

وكينصحو الأطباء ما تستعملش الزيوت ولا الفازلين باش تسهل الإدخال، حيث يقدرو ينقصو من امتصاص الدوا.

الدراسات بينات حتى أن الغشاء المخاطي ديال المستقيم عندو قدرة كبيرة على امتصاص الأدوية، وهاد الشي كيخلي المادة الفعالة توصل للدم فمدة قصيرة ،وفبعض الأدوية بحال الباراسيتامول، اللي كتتستعمل ضد السخانة والألم، بينات الأبحاث أن القويلبات كتقدر توفر مفعول علاجي مستقر وفعال، خصوصاً عند اللي ما كيقدروش يصرطو الدوا أو لي عندهم مشكل فالمعدة .

داكشي علاش القويلبات ماشي غير بديل احتياطي كيمشي ليه الناس فبعض الحالات، وانما وسيلة علاجية عندها فوائد علمية وطبية مهمة، وكتبقى افيكاص من الكينات ط، ونتا عزيزي القارئ اش كتفضل الكينات ولا قويلبات؟