كود ـ كازا//

الفنان المغربي كوهن بينحاس معروف بزاف فالموسيقى الشعبية المغربية، خصوصاً بالأغاني اللي كتجمع بين البضاض، وتعناب، وتمغرابيت. من أشهر أعمالو «زين لي عطاك الله»، اللي ولاّت رمز من رموز الفن المغربي ودخلات كجزء من التراث الوطني.

الأغاني ديال بينحاس معروفة بالإيقاع الشݣوري لي كيميز الغناء اليهودي فالمغرب، والكلمات الدارجة الأصيلة لي بقا محافظ عليها اللسان اليهودي المغربي، بزاف ديال المغاربة سوا فالداخل او الخارج كيطربهم بينحاس وخصوصا أغنية “الزين لي عطاك الله” لي كتفكرهم فالجذور والهوية ديال المغرب خصوصا مغاربة إسرائيل.

الفنان لقا محاولة السرقة ديال أغانيه، من طرف مغنيين فالجزائر داعاو أن أغانيه جزائرية الأصل، خصوصاً «زين لي عطاك الله». وخا المكتب المغربي لحقوق المؤلف والحقوق المجاورة محتفظ بوثائق رسمية كتأكد أن الحقوق ديال كوهن بينحاس محفوظة وأن جميع أغانيه مغربية 100٪.

الفنان المغربي كوهن بينهاس عندو مجموعة ديال الأغاني اللي كلها كتجسد التراث الشݣوري المغربي، بحال «زين لي عطاك الله»، و«قفطانك محلول» و«قلي علاش كويتيني»، وبزاف ديال الأغاني لي بقات فالأرشيف اليهودي المغربي.