الرئيسية > تبركيك > “كود” جابت آخر وصية للحمداوية قبل ما تموت
05/04/2021 15:00 تبركيك

“كود” جابت آخر وصية للحمداوية قبل ما تموت

“كود” جابت آخر وصية للحمداوية قبل ما تموت

كود كازا//

كشف شوقي، الحفيد ديال الحاجة الحمداوية، مباشرة بعد خروجو من المقبرة بعد الدفن ديالها، أن الجدة ديالو خلات آخر وصية ليها قبل الموت.

وقال شوقي، فتصريحو ل”كود” من امام مقبرة الشهداء فكازا، أنها وصات افراد العائلة ديالها باش يتقدمو بالشكر الجزيل والعرفان للملك محمد السادس، اللي اعتنى بيها، وتكلف بمصاريف علاجها فسبيطار الشيخ زايد فالرباط، طيلة الفترة اللي كَلسات فيه.

وزاد شوقي أن الحمداوية كتشكل كذلك عائلة عويطة، فشخص كل من الفنانة الشابة كَزينة عويطة والام ديالها، “الله يجازيهم بالخير وقفو معانا فالفرح والقرح”.

وكشف حفيد الحمداوية ان تيليفون جاهم من إدارة الشيخ زايد مع 3 الصباح، بحيث خبروهم بالوفاة ديال الفنانة اللي صدمهم، من بعد ما دخلات الإنعاش هذي شي ثلث أيام.

وقال أن دخولها الإنعاش كان باقتراح من الطبيبة ديالها اللي كشفات أنه كان احتمالين، تتحسن حالتها وتولي مزيانة او تموت.

واليوم بعد الظهر تم دفن ايقونة العيطة المغربية الحاجة الحمداوية، بحضور افراد عائلتها ومحبيها، وبإجراءات امنية صارمة ومشددة بسبب الظرفية الوبائية.

وشهدات الجنازة حضور غياب الفنانين، باستثناء قلة قليلة من اللي خدمو معاها، بحال الإخوة المرنيسي وولاد البوعزاوي.

موضوعات أخرى

18/04/2021 22:00

برنامج تاريخنا على “كود”.. (الحلقة 3): حكاية الامير العلوي امحمد لي حبس خوتو السلاطين وتقتل على يد خوه السلطان الرشيد – فيديو

18/04/2021 21:30

الڤاكسان غادي يزيد يقلال .. الإبراهيمي: سينوفارم وسبوتنيك غادي يبقاو أوفياء لاستراتيجية “التقطير” وخاص نصب كل جهدنا للحصول على اللقاحات الأمريكية

18/04/2021 21:00

رمضان وكونفينمون (الحلقة 4).. طارق البخاري فحوار مع “كود”: كنجيب لصاحبي ياكل فنهار رمضان غير ماياكلش حدايا وهانياتون.. وشي أوجه محتكرين ميدان التمثيل وديما كيمثلو نفس الشخصية بدون إبداع

18/04/2021 20:00

شوهة MBC5.. نشطاء ومعلقين ماخلاوش لمسلسل “سلمات أبو البنات” بالانتقاد: النيفو ديال هاد الجزء كفس من اللول فالحوار والأحداث وكامل مضامين رجعية وذكورية – تدوينات