عمر المزين – كود///

التقت “كود” مع أحد أشهر صناع الروجا على المستوى الوطني المعلم هشام السقاط اللي أكد في حوار له مع “كود” أن هاد الحرفة ورثها على الأب ديالو اللي ورثها بدوره على جدو منذ عقود.

وأوضح المعمل السقاط أن حرفة صناعة “السرج” كانت غادي تندثر فواحد الوقبل، لكن عدد من الأطراف، وعلى رأسها الوزارة المكلفة بالصناعة التقليدية عرفات باللي الخطر بدا يوصل لهاد الحرفة اللي كاينة في المغرب فقط.

وذكر المتحدث، في تصريحه مع “كود”، أن الوزارة الوصية على القطاع تحركت لإنقاذ هذه الحرفة من الاندثار، حيث عملت على تنظيم عدد من المعارض، ومنة أبرزها معرض الفرس بالجديدة.

وكشف أن السرج فيه 17 حرفة، موضحا بالقول: “يلا بغينا نصوبو سرج راه خاصنا 17 صناعي يكون حقاش السرج يتكون من 34 قطعة. مثلا فيه النجار لي كيصوّب لينا لعظم.. الحداد لي كيصوب الركابات ديال الرجيل. ومول النحاس كيصوب اللجام، وغيرها من الحرف ذات الصلة بالسرج.

وبالنسبة للطرز، فقد أكد المعمل السقاط لـطكود” أنه كياخد الوقت بزاف، مؤكدا في ذات السياق أن الحزام واللجام هو أخطر حاجة كاينش فالعود.

تفاصيل أكثر على هاد الحرفة اللي كانت مهددة بالانقراض فالفيديو: