كود -وكالات//

تغرم كوبل بخطية فإسبانيا بعدما تصورو وهما كيمارسو الجنس وسط طوموبيل غادية فطريق السيارA-7، لي قريب من مدينة ماربيا التابعة لإقليم مالقة.

الواقعة كانت نهار 22 يونيو، ملي صوّرهم شيفور بكاميرا، ومن بعد نشر الفيديو فمواقع التواصل الاجتماعي.

من بعد هاد الشي، فتحات عناصر الحرس المدني الإسباني تحقيق، وقدرات تحدد هوية السيارة، اللي كانت مكرية، ومعها الكوبل، اللي كانو جايين يدوزو العطلة فالأندلس.

الشرطة وقفات الكوبل وحررات ليهم مخالفات بسبب السوگان بلا عقل وزيد عليها ما كانوش لابسين حزام السلامة.

وكتوصل الغرامة ديال تحياد السمطة لـ200 يورو، أما غرامة السوكان الخطير كتقدر توصل لـ500 يورو.