الرئيسية > تبركيك > كوايري مشهور متهم بالاغتصاب
06/07/2022 02:00 تبركيك

كوايري مشهور متهم بالاغتصاب

كوايري مشهور متهم بالاغتصاب

وكالات//

كيواجه لاعب مشهور فالدوري النجليزي تهمة اغتصاب بنت فالعشرينات من عمرها، والبوليس يشدوه هاد اليوماين، باش يحققو معاه.

صحيفة “ذا تيليگراف” المشهورة فبريطانيا، خرجات هاد الخبار، لكن مقالتش شكون هو هاد اللاعب، لأن القانون كيمنعها من الكشف على سميتو.

وأكدات الصحيفة أن اللاعب عند البوليس، وكيحققو معاه، بعدما شكات بيه بنت فعمرها 22 عام، واتهماتو انه اغتصبها فبداية شهر يونيو لي فات.

وخرجو البوليس ببيان قالو فيه بلي تلقاو شكاية من امرأة فنهاية العشرينات من عمرها، كتاهم لاعب كرة بالاغتصاب، وأن التحقيق راه مزال جاري فهاد الواقعة.

الصحف الانجليزية كتبات هاد الخبار، ولمحات للعاب مني ذكرات أن فعمرو 29 عام، ومشهور بزاف، وغادي يكون مشارك فكأس العالم فقطر، وكذلك قالو بلي 6 طوموبيلات ديال البوليس شاركو فالاعتقال ديالو من دارو.

موضوعات أخرى

07/08/2022 19:30

البي جي دي مع الجزائر ضد المغرب.. بجوجهم هزو مدافعهم ضد الملك محمد السادس بصفتو رئيس لجنة القدس على أحداث غزة: كيفاش الاخوان المسلمين فالمغرب ولاو كيضربو ففموقف الدبلوماسية