كود الرباط//

قال وزير التجارة والصناعة رياض مزور، اليوم الثلاثاء 13 يونيو الجاري، بلي شركات أسواق السلام ومرجان وكارفو خسرو فلوس باش تهبط أسعار ماطيشا وتحدد ثمن السوق.

وفخرجة مثيرة، قال الوزير بلي كان باغي يدير توافقات بين المنتجين والموزعين باش يهبطو من الأسعار، لكن مقدرش لأن المنتجين والموزعين خايفين من عقوبات مجلس المنافسة لي كيعطيه القانون يعاقب فحالة وجود اتفاق مسبق لتحديد الثمن.

وأضاف مزور، فلقاء لجنة القطاعات الإنتاجية اليوم :”اشتغلنا مع أسواق وكارفو ومرجان باش يهبطو فالأثمنة..نفس الشيء بالنسبة للجزارة باش يهبطو الثمن ويخففو العبء على المواطنين”.

وانتقد مزور كيفاش كولشي كيهضر على الممارسات السيئة للمنتجين والموزعين، وقال: “هدا لله هاد الناس الله يعمرها دار مصنعين وموزعين كانو مخنوقين..مولف كيشري ب10 من بعد خصو يمشي يشري ب 20 عشرين ويهبط ليه هامش الربح والناس لي كيشتغلو مقيوسين خصهم زيادة وترونسبور تاهو تزا”.