كود كازا ///

شركة الادوية “لاپروفان” خرجات كتكذب وكتقول باللي ما عندها حتى علاقة مباشرة بكميل بنيس المتهم فقضية اغتصاب الفرنسية. هاد الشي داروه باش تفجرات هاد القضية تتهم فيها محامية فرنسية هاد السيد باغتصابها. دارت شكاية ففرانسا وجات للمغرب وعاودت قدماتها.

القضية تفجرات فهاد الشهر بعد سهرة ليلتي 2 و3 نونبر 2024 بفيلا هاد الولد اللي فعمرو 38 سنة.

لكن علاش تجبدات “لابروفان”؟

تجبدات لان كميل ولد الراحل علي بنيس رئيس مجلس ادارة “لاپروفان”. هو براسو ديما كيكتب باللي عضو مجلس ادارة هاد الشركة اللي كيسيرها دابا عمو فريد بنيس سنة 2019 وف2023 دخلات معاهم شركة “MCP فراس المال.

دابا حيدو ليه كاع حساباتو فوسائل التواصل الاجتماعي بعد انفجار هاد القضية. فهاد الحسابات كتبين باللي راه داخل فتسيير هاد الشركة ديال “لاپروفان”

يعني اللي هدر على علاقتو بالشركة راه هو كميل المتهم بالاغتصاب رفقة كل من امحمد لعلج وسعد السلاوي والحارس الشخصي احمد الدغبر اللي هو مستشار جماعي فكازا باسم الحركة الشعبية.

يعني تصريحات هاد كميل اللي كان عاطيها للتسكع والرياضة ولقصاير٬ هي اللي كتاكد علاقتو ب”لابروڤان” اللي كيحاول عمو اليوم يبعدها من خلال بيانات تستحمر لمغاربة. كلشي اللي دارو وكيديرو كميل راه بفلوس هاد الشركة. راه مساهم فيها مع خوه وعائلتو وماشي اي مساهم