الرئيسية > ميديا وثقافة > كما العادة.. الصبليون خرجو بمقال عامر كذوب على “التغطية الضعيفة” للإعلام المغربي لأحداث سبتة مقابل “التغطية الوازنة” ديال اعلامهم
20/05/2021 08:00 ميديا وثقافة

كما العادة.. الصبليون خرجو بمقال عامر كذوب على “التغطية الضعيفة” للإعلام المغربي لأحداث سبتة مقابل “التغطية الوازنة” ديال اعلامهم

كما العادة.. الصبليون خرجو بمقال عامر كذوب على “التغطية الضعيفة” للإعلام المغربي لأحداث سبتة مقابل “التغطية الوازنة” ديال اعلامهم

كريم الصوفي – كود//
[email protected]

في الوقت اللي موقع گود كنوصلو حتى لـ 15 مقال فالنهار كتكلم على أحداث سبتة والأزمة بين الرباط ومدريد وصحف كثيرة عربية وفرنسية دارت تغطية كبيرة على الأحداث، خرجو الصبليون بمقال كلو كذوب على عدم اهتمام الاعلام المغربي باللي واقع وأن هاذ الاخير ما دارش تغطية كبيرة لأحداث سبتة كما دارت القنوات والمواقع والجورنالات ديالهم.

الاعلام الاسباني اللي مولف الكذوب خاصة في كل ما يتعلق بالشأن الداخلي للمملكة تفرش في هاذ الاحداث وبين على الجهل الثقافي ديالو. عدد من الصحافيين عندهم قاليك لاحظو وجود تغطية غير متكافئة لأحداث سبتة، بين وسائل الإعلام المغربية ونظيرتها الاسبانية. هاذ الشي يمكن غير في المخيلة ديالهم أما الواقع فالساحة الاعلامية المغربية واكبات الأحداث حسن منهم بدرجة كبيرة.

التقرير ديالهم اللي مزوق بالكذوب قالو فيه أنه في حظيت أحداث سبتة بتغطية واسعة في وسائل الإعلام الإسبانية، وتصدرت جميع العناوين الرئيسية للقنوات الرسمية والخاصة والمواقع والصفحات الأولى للجرائد المعروفة، خرجات مجموعة من الجرائد المغربية بتغطيات إعلامية ثانوية وفيها تحامل على الجيش ديالهم اللي طلق القرطاس الحي على مهاجرين عزل.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه