وكالات //

ماكينش شي هضرة دابا فأستراليا من غير على الطوبات الكبار لي هاجمو بزاف ديال المدن فالبلاد ودايرين حالة من الدعر الكبير، وخلفوا خسائر كبيرة بزاف.

على حساب ماقالت تقارير ديال الصحافة، فهاد الطوبات لي عندها قزيبة كبيرة هاجمت على مدن ساحلية بحال كارومبا ونورمانتون في ولاية كوينزلاند.

هاد الطوبات كتخرب الفلوكات ديال الصيد وتدخل لديور وكتطلع للطوموبيلات وتاكل ليهم السلوكة، وخلفات خسائر كتقدر بآلاف الدولارات.

وبعد واحد العام فيه الشتا بزاف، خرجات هاد الطوبات من البلايص لي كيتخباو فيهم كيقلبو على ماياكلو، وهو شي لي خلا السلطات تعلن حالة الطوارئ باش يواجهوها.