كود – سبور//

المشجع الإنجليزي “غاس هولي” ما كانش متوقع أن رحلة البحث ديالو على مشروبات البلدان المشاركة فالمونديال غادي تولي قصة دارت البوز مني جمع بين عشق الكورة واكتشاف ثقافات مختلفة من أنحاء العالم.

ومن بين 48 بيرة مشاركة، كان المغرب حاضر بقوة فالمنتوج ديالو، فهاد التحدي، واجه غاس صعوبات باش يلقى بعض المشروبات الغابرة، ولكن قدر يوفر بيرة “كازابلانكا” اللي اختارها باش تمثل المغرب فالمجموعة ديالو، ولي لقاها فمطعم مغربي بمدينة سانت ألبانز فبريطانيا، أما بالنسبة للدول اللي ما كيتباعش فيها الكحول أو كيتمنع، فاستعمل مشروبات بيرة لالكول أو موناضة محلية .

الفكرة ديال التحدي بسيطة ولكن مبتكرة، كلما تْقصى منتخب من كأس العالم، كيفتح غاس بيرة اللي كتمثل هاد البلد وكيشربو كنوع من “تحية الوداع” للفريق المغادر.

هاد المبادرة خلات المنتوجات المحلية ديال بزاف البلدان، ومن بينها المغرب، توصل لجمهور برا خارج الحدود، وتقدرات التكلفة الإجمالية ديال جمع هاد المشروبات كاملة بـ 250 جنيه إسترليني، عدد من المغاربة تمناو باش قرعة “كازابلانكا”  اللي كتجسد الحضور المغربي فهاد المغامرة الكروية متحلش بكري.