الرئيسية > آراء > كل عشية تلاميذ ولاد الطيب منشورين حدا مرجان كيديرو أوطوسطوب ويطلبو الناس يركبوهم أو يتسناو الطوبيس ديال سيتي باس وحدة من أبشع الشركات لي باقا خدامة في المغرب
25/10/2021 10:00 آراء

كل عشية تلاميذ ولاد الطيب منشورين حدا مرجان كيديرو أوطوسطوب ويطلبو الناس يركبوهم أو يتسناو الطوبيس ديال سيتي باس وحدة من أبشع الشركات لي باقا خدامة في المغرب

كل عشية تلاميذ ولاد الطيب منشورين حدا مرجان كيديرو أوطوسطوب ويطلبو الناس يركبوهم أو يتسناو الطوبيس ديال سيتي باس وحدة من أبشع الشركات لي باقا خدامة في المغرب

محمد سقراط-كود///

حاليا أغلب الجماعات القروية كتلقى عندها نقل مدرسي خاص بتلاميذ الجماعة، وكاين البلايص لي أسر التلامذ كيخلصو بالشهر كاين لي فابور المهم كل واحد شنو داير في جماعتو، وهاداك النقل المدرسي من غير أنه كيوصل التلاميذ البعاد للمدرسة وكيخلي عندهم فرص متساوية مع الآخرين في التمدرس، فراه كيجنبهم حتى مخاطر الطريق قليل دابا فين تلقى تلاميذ كيديرو أوطوسطوب فشي جماعات، كاين بلايص لي نائية وفيها النقل المدرسي مغراوة مثلا نواحي بويبلان أو عبو الكحل نواحي فيكيك، ولكن الى جيتي لفاس لي هي تاني أكبر مدينة في المغرب، ودزتي حدا مرجان طريق موزار، غادي تلقى كل عشية طلبة موزار والنواحي معنكشين في المركوب وغادي تلقى تلاميذ ولاد الطيب لي فالثانوية كيديرو أوطوسطوب أو غادين على رجليهم زرافات زرافات، مشهد مابقاش في القرى النائية باقي وسط فاس.

ولاد الطيب كانت دوار دابا راها حي من أحياء فاس واخا باقي مادخلاتش للمدار الحضري ولكن راه ولات لاصقة في المدينة وإمتداد ليها، وحيت مابقاتش دوار فتلاميذها ماهوما قرويين ويستافدو من نقل مدرسي أو دوك المبادرات لي كيفرقو البيكالات على التلامذ لي بعاد على المدارس في المناطق النائية، ماهوما ولاد المدينة باش يقراو حدا المدرسة ويمشيو على رجليهم او فطوبيس كيجي ويمشي في الوقت، ديما كل عشية غادي تلقى ولاد وبنات صغار سواء في الحرارة أو في البرد كالسين كيتسناو الطوبيس لي كيطلع حتى للتمنية، وبعد المرات مكيوصلو لديورهم حتى لتسعود ونص، فوقاش غادي يرتاحو يراجعو يحفظو يكلسو مع أسرهم يخرجوا يلعبوا يفوجو، بحال الى مسافر من بلاد لبلاد ملي كيخرج الدري مع السبعة دالصباح مكيرجع حتى للتمنية تسعود، وهو راه محسوب ساكن في المدينة.

دويرة في كوكل غادي تلقى بلي جماعة ولاد الطيب دايرة النقل المدرسي مجاني للتلاميذ إعدادية معاذ بن جبل، ولكن هادشي مكافيش على مايبدو حيت راه كل عشية تلاميذ ولاد الطيب منشورين حدا مرجان كيديرو أوطوسطوب ويطلبو الناس يركبوهم أو يتسناو الطوبيس ديال سيتي باس وحدة من أبشع الشركات لي باقا خدامة في المغرب، مدن صغيرة بزاف وبلا موارد وعندهم شركات نقل بأسطول جديد وآدمي، إلا هاد فاس بحال الى التاريخ متوقف فيها وباقي فيها مظاهر البداوة، وباقي خاص تلميذ من ولاد الطيب يهبط يقرى في الأطلس، أو تلميذة من عين الشقف تهبط تقرى في الادارسة، وبنكرير ومابقاش فيها هادشي.

موضوعات أخرى

06/12/2021 16:00

بنكيران يستنجد بالمثلية الجنسية! أراهن عليكم كثيرا أيها المثليون لأعيد لحزب العدالة والتنمية وهجه السابق

06/12/2021 15:30

بنعتيق لـ”كَود”: ها وقتاش غانبدا الحملة للترشح للكتابة الأولى ديال الإتحاد الاشتراكي.. وهاشنو أكد على لقاءه مع لشكَر