كود -وكالات//

حسب مجلة علم النفس الجنسي، الفانتازم الجنسي كايختلف بشكل كبير بين الرجال والعيالات من ناحية المحتوى، الرجال كيميلو لفانتازمات بصرية وجسدية مباشرة، كتركّز على الشريك والتفاصيل ديال الفعل الجنسي، أما العيالات كيميلو لفانتازمات فيها قصة ومشاعر، و السياق الرومانسي، ومن ناحية العدد، كيبانو الدراسات أن 54% من الرجال كيتخايلو بشكل يومي، مقابل غير 19% من العيالات، أما بخصوص الشركاء، فالرجال غالباً كيتخايلو أكثر من شريكة، فحين العيالات كيميلو لشريك واحد كطتكون معاهم علاقة عاطفية.

وبالنسبة للدور، الرجال كيتخايلو السيطرة والقيادة، والعيالات كيتخايلو الحميمية والأمان مع شريك كيثيقو فيه، هاد الفروقات سببها عوامل هرمونية خصوصاً التستوستيرون و للتربية والتقاليد اللي كتأثر على طريقة كل واحد فيهم كيفاش كايحس بالرغبة وكيتخايل.

الفانتازم الجنسي كيتكوّن من تداخل ديال عوامل بيولوجية ونفسية واجتماعية. بيولوجياً، مرتبط بنشاط الجهاز الليمبي فالمخ، اللي مسؤول على الرغبة والإحساس بالمكافأة، وكيزيد يتحفّز مع ارتفاع الهرمونات الجنسية ،نفسياً،كيتشكّل من تجارب عاطفية وجنسية كتتراكم من سن المراهقة، وكيتأثر بنظرة الإنسان لراسو وبالثقة ديالو فنفسو، أما اجتماعيا  كتلعب فيه دور المؤثرات اللي كيشوفها الإنسان يومياً، بحال الإعلام والعلاقات والتفاعلات.

أما التأثيرات ديالو، فغالباً إيجابية ،كيعزز الاستجابة الجنسية، وكيرفع من جودة الحياة الجنسية، وكيعاون فالتخفيف من الستريس حيث كيحفّز إفراز الدوبامين والإندورفين، كيف ما كيعاون ففهم الإنسان لرغباتو.
.
الدراسات بيّنت أن كاينين أنماط معروفة عند الجنسين، عند الرجال، لي شايع هو فانتازم التعدد (تخيّل أكثر من شريكة فمرة وحدة) بنسبة توصل لـ61%، ومن بعد فانتازم اللقاء المفاجئ مع شي شخص على غفلة  ومن بعد فانتازم الحوايج الممنوعة اجتماعياً، وماشي بالضرورة تكون رغبة حقيقية فالتطبيق.

عند العيالات، كاين فانتازم الإستسلام الإرادي بنسبة 64%، يعني تخيّل الانسياق مع شريك قوي وموثوق فجو آمن، ومن بعد كاين فانتازم القصة الرومانسية مع الإغراء والمشاعر لي اهم من الفعل الجنسي، عاد فانتازم الشريك المثالي اللي فيه الجمال والعمق العاطفي ،والمهم نعرفو أن هاد الفانتازمات كتبقى غير خيال ، وماشي ضروري تعني أن الإنسان باغي يحققها فالواقع.

الفانتازم الجنسي كيعكس الحاجات العميقة ديال الإنسان، سوا كان راجل ولا مرا، وكيبقى واحد من أكثر التعبيرات النفسية إنسانية .