وكالات//

مزال القضية ديال اغتيال المدير التنفيذي ديال أكبر شركة تأمين في ميريكان محيرة البوليس ودايرة البوز في ميريكان كلها.

وعلى حساب ماقالت بزاف ديال التقارير صحفية ميريكاني فلي محير البوليس اكثر هو اخر ما كشفات عليه التحريات الأولى.

ولقاو في الغلاف ديال القرطاسات لي تقتل بيهم كلمات بحال “عزل”، “رفض”، و”دفاع”، ولي كتشبه  لعنوان كتاب صدر في 2010 كيهشر على استراتيجيات شركات التأمين لتقليل المدفوعات.

وتقتل الرئيس التفيذي لشركة “يونايتد هيلث كير”، أكبر شركات  التأمين الصحي ميريكان، نهار الأربعاء، فواحد الهجوم مسلح من المسافة صفر حدا أوطيل هيلتون في مدينة نيويورك.

على حساب ماقالت وسائل إعلام محلية، فبراين تومسون (50 عامً) تعرض لإطلاق النار قبل السبعة ديال الصباح بتوقيت شرق ميريكان في حادث وصفوه انه “متعمد” و “مستهدف”.

المهاجم، لي تصور في كاميرات المراقبة، كان لابس واحد الماسك كحل ودار كاتم صوت في الفردي ديالو باش ماتتسمعش الطلقات ديال الرصاص.

وهرب منفذ الهجوم مباشرة بعد الجريمة ديالو ولحد الان مقادروش البوليس انهم يتعرفو على الهوية ديالو.

ودارو البوليس واحد الإعلان كيديرو فيها مكافأة ديال 10 الاف دولار لكل واحد يعطي معلومات على المنفذ ديال هاد الجريمة الخطيرة.