وكالات//

خرجات بزاف ديال التقارير الصحفية في الميريكان وبريطانيا كتقول إن النجم الميريكاني المشهور ليناردو ديكابرو خطب رسميا صاحبتو عارضة الأزياء الإيطالية فيتوريا سيريتي.

وأكدات نفس التقارير أن هادشي كيجي بعدما تصاحبو رسميا من الصيف ديال عام 2023.

وكتقول هاد التقارير أن ديكابريو خطب رسميا فيتوريا ومابقاش كيخبي العلاقة ديالهم فكاع المناسبات لي كيحضر ليها.

وكتأكد نفس المصادر أن ديكابريو معجب بزاف بالشخصية المتواضعة ديال عارضة الأزياء الطاليانية والجمال ديالها وطايح بالصح في الحب ديالها.

وكيجي هادشي واخا ديكابريو وسيريتي صاقلين على هادشي وعمرهم خرجو بشي بيان ولا شي تصريح كيأكد هاد الشائعات.