الرئيسية > آراء > كلشي كيحارب الرميلي عمدة كازا قبل ما تبدا. التجمعي وطاس بدعم الطاشرونات منوض عليها النحل
22/09/2021 12:00 آراء

كلشي كيحارب الرميلي عمدة كازا قبل ما تبدا. التجمعي وطاس بدعم الطاشرونات منوض عليها النحل

كلشي كيحارب الرميلي عمدة كازا قبل ما تبدا. التجمعي وطاس بدعم الطاشرونات منوض عليها النحل

كود كازا ///

نبيلة الرميلي عمدة الدار البيضاء الجديدة وقبل ما تبدا خدمتها وقبل ما تعطاها فرصة باش نشوفو اش غادية دير بدا الهجوم عليها. ولكن شكون اول من كيضربها؟ هما الناس اللي معاها فالحزب. دارت فاللول حرب كبيرة باش ياحدو بحال هاداك بنعمر اللي عندو قضايا مزفتة٬ باش ياخد العمودية وباش ما داو والو٫ هاجموها براجلها كميل توفيق.

دابا دخل للمجلس ولكن نتسناو حتى نشوفو كيفاش غادي يتم توزيع المهام. راه كميل كان رئيس فريق حزب الاحرار فمجلس النواب ونجح برلماني فهاد البرلمان الجديد. اي ماشي حقاش راجلها ولكن حقاش صوتو عليه بيضاوة.

لكن شكون اللي كيهاجم الرميلي دابا؟ اللي كيهاجمها هما الطاشرونات اللي باغيين رخص التعمير. كيهمهم يديرو الفوضى فالمدينة وصافي. شفناهم كيكونو المجالس البلدية واخا ما مرشحينش. شفناهم كيدعمو مرشحين. دابا دايرين حرب. تبريرهم. اه كميل راجلها اللي هو رئيس فيدرالية المنعشين العقاريين٬ غادي يتحكم فالمجلس.

هادو كيتصرفو بوصاية على لمرا. ما كيعرفوش هاد العمدة وما كيعرفوش شخصيتها. احتقار ووصاية على المرأة وصافي.
قلنا شي طاشرونات اللي عندهم خلاف مع كميل واخا هو ممثلهم٫ كيدعمو بزاف وطاس التجمعي باش هو ياخد التعمير.
كيقدموه كرجل مزيان ووو. هو ضرب العمدة واخا معاها فالمجلس. خطة مفروشة كتحركها النزعة الرجولية

موضوعات أخرى

28/10/2021 06:00

البرتغال حتى هي حاطة عينيها على الطاقة المتجددة ديال المغرب باش متبقاش معتمدة على الجزائر وروسيا وها اش قال رئيس الوزراء البرتغالي