كود الرباط ///

رئيس الحكومة الاسبق الامين العام لحزب العدالة والتنمية عبد الاله بنكيران هاجم الكاتب المغربي اللي كيكتب فالفرنسية الطاهر بنجلون. وصفو البارح الثلاث 16 اكتوبر 2023 بالكلب، وقال عليه “مشى كيشتم” وتوصف حسام بالحيوانات٬ ثم اضاف “يمكن يتقارنو بالاسود والنمور…” ثم خاطبه “انت مجرد كلب. كلب رفقة ديال الصالون =شيان دو كومبانيي دو صالون=.

بنكيران بين على عداء كبير بحالو بحال عدد من الاسلاميين لحيوانات زوينة وصديقة ووفية وهي الكلاب اللي كترافق الناس. هادو من اصدق الحيوانات مع الانسان ولكن رئيس الحكومة الاسبق كيشوفهم بمنظور ديني.

بنكيران قال للكاتب “يا الويل. قاري فبعثة الطمع والمال. ما عمرني احتارمتك” ودافع بنكيران عن اعمال حماس الداعشية باش قتلات اسرائيليين واعتابرهم “اولياء الله”.

وكان بنجلون كتب رأي فمجلة “لوبوان” قال فيه باللي القضية الفلسطينية ماتت ف7 اكتوبر وحماس هي اللي قتلاتها” .

واوضح ان حماس هي عدو الشعب الفلسطيني اكثر من اسرائيل مضيفا أن الاحتلال ومحاربة الاستعمار ممكن ولكن ماشي بالطريقة الوحشية اللي دارت حماس.  واضاف بنجلون ان حركة حماس غارقة فأيديولوجية إسلامية من اسوأ الانواع وماعندها حتى شي حس سياسي وهي غير لعبة فيد ايران اللي كتستغل شباب تالف ومعندوش مستقبل .

واشار ان الهمجية اللي شاف العالم هاد المرة غتبقا راسخة وصعيب نتيقو ان هاد الشباب دارو هادشي على قبل “التحرير “لان الحرب كتكون بين الجنود وليس بقتل المدنيين الأبرياء.