الرئيسية > كود سبور > كلشي باغي يخدم فالجامعة.. اتحاد طنجة ما لقى حتى مدرب والدميعي طلب يفكر
13/11/2019 22:00 كود سبور

كلشي باغي يخدم فالجامعة.. اتحاد طنجة ما لقى حتى مدرب والدميعي طلب يفكر

كلشي باغي يخدم فالجامعة.. اتحاد طنجة ما لقى حتى مدرب والدميعي طلب يفكر

كود سبور//

كلشي باغي يخدم فالادارة التقنية ديال الجامعة. المدربون ما بقاوش باغيين يخدموا مع الفراقي. ما بغيينش الستريس ديال الماتشات.

الفرق لي ما عندهاش المدربين، مازال كتقلب، بحال سريع وادي زم، الذي فشل لحد الان في إيجاد بديل للمدرب السابق حسن بنعبيشة.

گاع المدربين لي اتصل بهم مكتب سريع وادي زم، رفضوا، لحقاش كيستناو الجواب من روبيرت اوشن المدير التقني للحامعة، واللي مازال كيدرس سيفيات ديال گاع المدربين المغاربة.

وحتا اتحاد طنجة مازال ما لقاش المدرب، لي غادي يعوض الجزائري نبيل نغيز، فبعدما كان قريب باش يتعاقد مع المدرب جمال السلامي لقى راسو كيدور في حلقة مفرغة.

اتحاد طنجة اتصل اليوم بهشام الدميعي باش يدربو على الأقل حتا نهاية الموسم، لكنه طلب مهلة للتفكير ومن بعد يقرر. وما شي بعيد يكون الدميعي حتا هو كيستنا خدمة ف الإدارة التقنية.

والا فشل اتحاد طنجة في التعاقد مع الدميعي غادي يكون مضطر باش يحبب مدرب أجنبي خصوصا بعدما عبر المدرب الإيطالي دجياني دي بياسي عن رغبته في تدريب فريق البوغاز.

موضوعات أخرى