وكالات//

تحول واحد الكلب من فصيلة البيت بول، لبطل في الهند، بعدما بان فواحد الفيديو وهو كيعتق شي دراري من هجوم ديال لفعة من نوع كوبرا.

هاد الحادثة وقعات في ولاية أوتار براديش في الهند، ومعروف على هاد اللفعة أنها قاتلة وايلا عضات شي واحد صعيب يعيش من بعدها.

كيقول مول الكلب لي سميتو “جيني” أنه سمع الغوات ديال الدراري الصغار وهو يجري عندهم، وفين شاف اللفعة مشا تلاح عليها.

وأكد نفس الشخص أن هادي ماشي هي المرة الأولى لي كيهاجم فيها اللفاعي القباح، حينت سبق ليه قتل أكثر من 8 ديال اللفاعي في وقت سابق.