كود -وكالات//

عرف مهرجان كوتشيلا فكاليفورنيا حالة استنفار مني النجمة العالمية مادونا عاشت واحد الموقف صعيب من بعد العرض اللي دار مع المغنية الشابة Sabrina Carpenter.

العرض كان كبير وناجح ورجعات فيه مادونا باش تقدم مشروعها الفني الجديد اللي غادي يخرج فالقريب، ولكن من بعد سالات الحفلة ملي اكتاشفات أن عدد من الحوايج ديالها تسرقات، هاد البياسات كانت لبساتهم فالعرض، بحال جاكيتات ولباس مسرحي عندو قيمة كبيرة فمسارها الفني.

مادونا ما سكتاتش، وخرجت تدوينة على السوشيال ميديا كتعبّر فيها على القلق ديالها، ووضحات أن هاد الحوايج ماشي غير حوايج عاديين ولكن جزء من الذاكرة ديالها الفنية وتاريخها، وطلبت من أي واحد يلقى هاد القطع يتاصل بفريقها، وحتى أنها عرضت مكافأة لأي شخص يرجعهم سالمين.

هاد الواقعة دارت البوز على مواقع الفن وعلى مواقع التواصل، حيث الأرشيف ديال مادونا كيتعتابر جزء مهم من تاريخ موسيقى البوب فالعالم، وهاد الشي خلا القضية تاخذ اهتمام كبير.