كود – أكادير //
كسيدة وقعات فأكادير وبالضبط حدا البوسط ديال البوليس لي كاين فطريق الكورنيش وقريب لكازينو ميراج دارت بوووم فمواقع التواصل بعدما تم تداول الفيديو ديالها بين المغاربة اليوم الاحد.
فالفيديو لي داير كاتبان واحد داسيا كحلة صايكها واحد لابس البيض ودخلات فشي دراري معهم بنت كانو كايتمشاو فوق الطروطوار قبل مايدخل فحيط دائرة أمنية ديال البوليس.
وحسب مصادر “كود” فالشخص لي كان سايكـ داسيا ماشي هو مول الطونوبيل وكان سكران معاه فشي بلاصة قبل مايوقع ليهم مشكل مع الدراري لي ضربهم.
مول الطونوبيل هو لي كان باغي يمنع صاحبو لي كان مفوت مايضربش الدراري ولكن وقعات الكارثة .
وحسب مصادر كود، تشدو الشخصين بجوج (فيديو توصلات بيه كود) فيما تم فتح تحقيق في الموضوع تحت إشراف النيابة العامة والمصابين تم نقلهم إلى المستعجلات .
