كود – القصر الكبير//

وقعات كسيدة خايبة اليوم الاثنين 19 يناير مع العشية، فالطريق اللي كتوْصل بين ريصانة الجنوبية ومدينة القصر الكبير، الكسيدة ماتو فيها 4 ديال الناس، وواحد آخر تنقل دغيا  ليرجونص.

حسب المعلومات الأولية، الكسيدة وقعات بين كاميو كبير وجوج طموبيلات هادشي لي خلا الوفيات يطلعو لربعا.

والسبب المفترض حتى لدابا هو السرعة وعدم احترام مسافة الأمان، وهادشي زاد من خطورة تصاطيح، عناصر جوندارم وصلو لبلاصة الكسيدة باش يفتحوا تحقيق، وعناصر الوقاية المدنية تدخلوا باش يسعفوا المصابين وينقلوا الضحايا.