كود الفنيدق//

حي الباطيو بالفنيدق، او كاستيخو عرف اليوم السبت في الصباح، كسيدة خايبة منين الشيفور ديال روموك مشى ليه الفران وهو نازل من واحد العقبة خطيرة.

الرموك قصد واجهة واحد القهوة كاينة فالحي، الشي اللي خلّف حالة رعب وسط الساكنة واللي كانوا حاضرين فمكان الحادث.

الكسيدة مات فيها الشيفور والگريسون ديال الرموك ، وجوج اخرين.

ومن جهة أخرى، تنقلو 8 أشخاص للمستشفى بعد ما تعرضو لإصابات متفاوتة الخطورة، وكيخضعو دابا للعلاجات الضرورية تحت إشراف الطاقم الطبي.

السلطات المحلية والبوليس جاو بسرعة لعين المكان، وتفتح تحقيق باش تعرف الملابسات ديال هاد الحادث المأساوي.