وكالات//

مات واحد البيلوط ديال الطيارة بطريقة خايبة بزاف مللي طلاقاو 2 ديال الطيارات فيما بيناتهم فواحد العرض ديال الطيران تدار في مدينة باجة البرتغالية.

على حساب مقالت وكالة “فرانس بريس” فالسلطات ديال البرتغال علنات رسميا الموت ديال الطيار فهاد العرض لي كانت فيه 6 ديال الطيارات.

https://x.com/JihadAlobaid/status/1797526701347635328

السلطات أكدات أن الطيار لي مات كانت عندو الجنسية الإسبانية، بينما الطيار لاخور تصاب إصابات خفيفة، وتلقى العلاجات اللازمة.

الطيارة لي دارت كسيدة كانت من طراز “ياكوفليف ياك-52” وهي طيارة سوفياتية الصنع ومعروفة أنها مخصصة للاستعراضات.