ݣود ـ بني ملال//

الطريق اللي كاتربط بين أبي الجعد ووادي زم عرفات صباح الأربعاء 15 أكتوبر 2025 حادثة سير خفيفة بين جوج طوموبيلات، وهادشي وقع فواحد المنعرج قريب من مقهى “حكيمة ولد الحلبة‘‘.

وحسب المعلومات، الكسيدة كانت بسبب زليق ديال وحدة من الطوموبيلات وقلة الانتباه لحالة الطريق، وهادشي خلاها تصاطح مع طموبيل كانت جاية من الجهة الأخرى .

الكسيدة ما كانش فيه ضحايا، من غير خسائر مادية كبيرة فالجوج ديال الطوموبيلات. السائقين مشاو للمستشفى المحلي فـ أبي الجعد باش يديرو الفحوصات اللازمة على صحتهم.