الرئيسية > الزين والحداكة > كريمة غيث دخلات طول وعرض فالعقلية الذكورية اللي مخززة فمجتمعنا: حتال امتى المرا المغربية غادي تبقى صابرة على هاد الميزوجينية – تدوينة
05/08/2020 18:00 الزين والحداكة

كريمة غيث دخلات طول وعرض فالعقلية الذكورية اللي مخززة فمجتمعنا: حتال امتى المرا المغربية غادي تبقى صابرة على هاد الميزوجينية – تدوينة

كريمة غيث دخلات طول وعرض فالعقلية الذكورية اللي مخززة فمجتمعنا: حتال امتى المرا المغربية غادي تبقى صابرة على هاد الميزوجينية – تدوينة

نجوى المالحي- كود//

المغنية المغربية كريمة غيث تطرقات للوضع ديال المرأة داخل المجتمع والميزوجينية لي كتعيش، وكيفاش كيشوفها الناس، ويرجعوها هي المحور ديال كاع المشاكل، والأمراض.

كريمة غيث حطات منشور على حسابها في انستكَرام دخلات فيه طول وعرض في العقلية الذكورية اللي مخززة فمجتمعنا، ولي كتخليه يرمي على المراة كاع الأخطاء، ويحملها حتى مسؤولية أخطاء الآخرين.

كريمة قالت في منشورها: “علاش لابسة بحال الولد ؟ لبسي كسوة ، لا حشومة قصيرة عليك، فين خارجة ماشي مشكل هو راه ولد
اش غيقولو الناس؟ كملي قرايتك لا تزوجي الزواج هو الحياة ! ناري شرفتي اصاحبتي ، هو راجل يديها بنت صغيرة مزال
كاين شي حداگة؟ المرا هي الكوزينة ، هاد الخدمة ماشي ديال العيالات ، كيضربك؟ راه غير كيبغيك
غير صبري عنداكي طلقي اش غيقولو العائلة ؟
خانك ، هي ممهلياش فراسك! ولدي شديه بالاولاد !
ولدتي بنت ؟ ايوا خاصك شي وليد ..
مكتولديش؟ ايوا خلي الراجل يتزوج ! راجلك مكيولدش؟ غير صبري المرا هي اللي تصبر مع راجلها… حتال امتى”.

كريمة هضرات على “الدوبل السطوندار” لي غارقين فيه في المغرب، وعلى  كون المجتمع المغربي كيلصق المراة مع الكوزينة، وكيلومها هي لا خنها راجلها، وتسائلات حتى لامتى غادي يبقى هاد المرض.

View this post on Instagram

علاش لابسة بحال الولد ؟ لبسي كسوة ، لا حشومة قصيرة عليك، فين خارجة ماشي مشكل هو راه ولد اش غيقولو الناس؟ كملي قرايتك لا تزوجي الزواج هو الحياة ! ناري شرفتي اصاحبتي ، هو راجل يديها بنت صغيرة مزال كاين شي حداگة؟ المرا هي الكوزينة ، هاد الخدمة ماشي ديال العيالات ، كيضربك؟ راه غير كيبغيك غير صبري عنداكي طلقي اش غيقولو العائلة ؟ خانك ، هي ممهلياش فراسك! ولدي شديه بالاولاد ! ولدتي بنت ؟ ايوا خاصك شي وليد .. مكتولديش؟ ايوا خلي الراجل يتزوج ! راجلك مكيولدش؟ غير صبري المرا هي اللي تصبر مع راجلها حتال امتى ؟؟؟؟؟

A post shared by Karima Gouit Official (@karimagouit) on

موضوعات أخرى

24/09/2020 21:30

العلمي حدد خطة الانعاش الصناعي 2021/2023: استكشاف اسواق جديدة وجعل المغرب قاعدة عالمية اكثر تنافسية تجاه اوربا والاعتماد الطاقات البديلة

24/09/2020 20:30

حصيلة كورونا فالأقاليم والجهات اليوم: 994 تصابو و13 ماتو فكازا سطات.. والاصابات ارتفعات فسوس بسبب بؤرة فإنزكَان.. و217 تشافاو فدرعة تافيلالت