گود سبور//

لمح اسطورة كرة القدم البرتغالي كريستيانو رونالدو، لأنه قريب يعتزل الكورة.

وخلال حوار له مع مجلة “ڤوگ”، قال كريستيانو رونالدو: “يقدر يكون هذا هو العام الاخر ليا فالكورة وبغيت نخلي ارث واعر”.

كريستيانو رونالدو مول 41 عام اللي كايلعب دابا مع النصر السعودي ومازال عندو فالعقد معهم حتى لصيف 2027، قال: “خططت لكل حاجة فالمستقبل ديالي، وعندي بزاف ديال الحوايج اللي يشغلوني، وحيث الكورة تقدر تخلي فراغ كبير عندي. خاصني نعمر وقتي بحوايج مختلفين وماشي غير بحاجة وحدة”.

وكمل النجم البرتغالي، وقال: “باغي نتمتع بزاف ونسافر بزاف ونتفرج ونلعب البادل واللي عزيز عليا، ونتمتع بداكشي اللي درت، وحيث فالنهاية راه كانت 25 عام من التضحيات الكثيرة”.