كود سبور//

يقدر يلعب النجم البرتغالي كريستيانو رونالدو مع النجم الأرجنتيني ليونيل ميسي ففريق واحد، بعدما كانوا ديما متنافسين وخصوم ولسنوات.

وحسب موقع Talksport، فكريستيانو رونالدو مول 40 عام، يقدر يسني مع فريق انتر ميامي المريكاني اللي كايلعب معهم ليونيل ميسي، باش يشارك معهم فكاس العالم للاندية 2025 الصيف الجاي فالمريكان.

ووضح نفس المصدر، أن العقد ديال كريستيانو رونالدو مع النصر السعودي فايسغلاس مع نهاية هذا الموسم، ومن المنتظر يسني معهم عقد جديد باش يبقى معهم، ولكن قبل منها يمشي يوقع لمدة قصيرة مع انتر ميامي اللي مولاه النجم النگليزي ديفد بيكهام، باش يشارك معهم فمونديال الاندية بين 15 يونيو و13 يوليوز2025، ويرجع من وراها للسعودية يكمل مع النصر.