گود سبور//

يواصل النجم البرتغالي كريستيانو رونالدو لاعب النصر السعودي، خلق البوليميك فـ كرة القدم العالمية وهو فـ عمر الـ40، بالمستوى اللي مازال كايقدم فـ التيرانات واللي خلاه غير هادي يومين يماركي هدف واعر الفريق ديالو النصر على الخليج ضمن بطولة السعودية، كايشبه للهدف التاريخي اللي كان ماركاه مع ريال مدريد على يوفنتوس ضمن دوري أبطال أوروبا قبل سنوات، وهذا الشي خلى ملايين عشاق كرة القدم فـ العالم يرجعو يهضرو عليه بسبب انبهارهم بالمستوى اللي باقي كايقدم كريستيانو رونالدو فـ هاد العمر.

النجم البرتغالي، تفاعل حتى هو مع البوليميك، ونشر على موقع “X” تقرير عن الصحة واللياقة والعمر ديالو البيولوجي، ودار جهاز تتبع اللياقة البدنية WHOOP تحليل لدم كريستيانو رونالدو ولمدة 6 أشهر من البيانات ديال الرصد والتحليل، تم الكشف عن أن معدل معاناة اللاعب من الالتهابات والآلام هي فـ أقل مراحلها بحال شي شاب فـ العشرينات من عمرو، والتقرير كشف عن استخدام الطاقة، وتوصيل الأكسجين، واستجابة الأنسولين.