كود سبور//

ربح المنتخب الغيني لأقل من 23 عام منتخب الكونكو اليوم الثلاثاء فتيران مولاي عبد الله بالرباط، برسم الدورة الثانية لكروب A ديال كاس إفريقيا لأقل من 23 سنة.

وسالا الماتش بين غينيا والكونكو بنتيجة 3 لواحد لمصلحة الغينيين، وخذاو بهذا الرباح أول 3 بوان لهم فالمسابقة، أما الكونكوليين تقصاو من البطولة، حيث خسرو 2 ماتشات.

للإشارة فالمنتخب الوطني المغربي غيلعب حتى هو عن نفس المجموعة الأولى مع منتخب غانا هذه العشية، وإذا ربح غيتأهل للدومي فينال، حيث غتولي عندو 6 بوان بعدما كان ربح غينيا فالافتتاح.