كود سبور//

تأهل منتخب كرواتيا لنصف نهائي كأس العالم قطر 2022، من بعدما ربح فماتش ربع نهائي البطولة اليوم الجمعة منتخب البرازيل فماتش تكتيكي مشوق سالا بالبيلانتيات.

وسالا الوقت الأصلي من ربع النهائي ما بين البرازيل وكرواتيا بالتعادل السلبي زيرو لزيرو، ومشاو للأشواط الإضافة، وانتظرت البرازيل الدقيقة الأخيرة من الشوط الاضافي الأول باش توصل لمرمى كرواتيا من بعدما نجح نيمار دا سيلفا فاختراق دفاع الكرواتيين وهز الشبكة ديالهم وسجل الهدف ديال التقدم، مع العلم أن نيمار بهاد الهدف حطم رقم تاريخي فمنتخب البرازيلي حيث صبح هو الهدف التاريخي للسامبا برصيد 77 هدف، جنب مع جنب مع الأسطورة بيلي اللي حتى هو عندو نفس الرصيد.

ومن بعدما سجلت البرازيل الهدف، حاول لوكا مودريتش وصحابو يرجعو فالماتش وقدرو يرجعو من بعدما ضغطو مزيان فالشوط الإضافي الثاني على البرازليين اللي دارو لبلوك ودافعو ولكن ما ممنعوش كرواتيا من تسجيل التعادل بواسكة برونو بيتكوفيش ومشاو المنتخبان لضربات الترجيح واللي حسماتها كرواتيا بنتيجة 4 مقابل 2.

وبهاد النتيجة تأهلت كرواتيا وصيفة بطل العالم 2018 لنصف نهائي كأس العالم قطر 2022، وغادي تنتظر الماتش ما بين الأرجنتين وهولندا فالثمن النهائي الآخر باش تعرف الخصم ديالها، بالمقابل وعد منتخب البرازيل بطل العالم 5 المرات مرة أخرى  من ربع النهائي.