الرئيسية > آش واقع > كذوب. امين عام الرابطة المحمدية للعلماء ل”كود”: ما عمرنا درنا شي بيان على ما صرحت به =زينب الغزوي= اما الفتاوى راه كاينة هيئة وحدة فالمغرب متخصصة
10/04/2019 17:37 آش واقع

كذوب. امين عام الرابطة المحمدية للعلماء ل”كود”: ما عمرنا درنا شي بيان على ما صرحت به =زينب الغزوي= اما الفتاوى راه كاينة هيئة وحدة فالمغرب متخصصة

كذوب. امين عام الرابطة المحمدية للعلماء ل”كود”: ما عمرنا درنا شي بيان على ما صرحت به =زينب الغزوي= اما الفتاوى راه كاينة هيئة وحدة فالمغرب متخصصة

كود الرباط ////

استغرب أحمد عبادي الأمين العام للرابطة المحمدية للعلماء نسب بيان ما عمرو خرج ليهم. البيان المعني هو ما اثارته زينب الغزوي في حوارها الاخير مع “لوبوان” الفرنسية. الغزوي قالت انه ف2009 خرجات الرابطة المحمدية للعلماء بيان قاصح ضدها بسباب البيك نيك اللي كانت دعات ليه “مالي” للدفاع عن الحريات الفردية فالمحمدية فرمضان. الغزوي قالت للمجلة الفرنسية الاسبوعية ان بيان الرابطة اعتبر هاد العمل مخالف لتعاليم الله ورسوله وانه يستحق عقوبة تكون قدوة لكل واحد بغى يدير بحالو. الغزوي اعتبرت ان هاد الشي فتوى بقتلها.

العبادي قال ل”كود” باللي الرابطة ما عمرها دارت فحياتها بيان متعلق باللي كتهدر عليه =زينب العزوي. مضيفا في تصريح مقتضب ل”كود” “حنا فالرابطة ما كنديروش بيانات والهيئة الوحيدة المخولة للافتاء فالمغرب هي الهيئة العليا للافتاء”.

يعني حتى قبل المجلس العلمي الاعلى اللي كان يقدر يدير بيانات فهاد الموضوع او غيرو

دابا الرابطة كذبات زينب الغزوي وغادية تراسل المجلة وتكذب هاد التصريح

موضوعات أخرى