كود – وكالات//

ماشي غير ميسي ويامال، حتى شاكيرا عجبات الجمهور فالعرض الغنائي اللي داز بين الأشواط فلفينال ديال كأس العالم 2026، واللي جمع بين إسبانيا والأرجنتين فملعب نيويورك–نيوجيرسي، بعدما غنات النشيد الرسمي ديال البطولة، فأول عرض فني من هاد النوع فنهائي المونديال.

ومن بعد اللوك اللي لبسات فحفل الافتتاح، خرجات شاكيرا هاد المرة بطونوي خاص تصاوب ليها من طرف دار الأزياء الإيطالية روبيرتو كافالي، تحت إشراف المدير الإبداعي فاوستو بوغليزي، ومزين بكريستالات سواروفسكي.

الطونوي كان مكوّن من جوج ديال البيسات، بتصميم مأنسبيري من ألوان الغروب، كيجمع بين الغوزي والليموني بلمسة لامعة.

أما البودي سوت، فكان مخدوم كامل باليد، وتستعمل فيه أكثر من 200 ألف حبة كريستال من سواروفسكي، وخدا كثر من 120 ساعة ديال الطرز اليدوي، باش يعطي طلة كتلمع فوق التيران.