كود – state.gov //

علنات وزارة الخارجية الأمريكية اليوم أنها صنّفات جماعة الإخوان المسلمين السودانية “كيان إرهابي عالمي”، وكشفات أنها غادي تمشي لخطوة أخرى وهي تصنيفها رسميًا كـ”منظمة إرهابية أجنبية” ابتداءً من 16 مارس 2026.

وحسب البيان ديال الوزارة، فهاد الجماعة كتستعمل العنف ضد المدنيين فـ السودان، وكتنشر الأيديولوجية الإسلاموية المتشددة ديالها، وضافت أن مقاتلين تابعين للجماعة، واللي عدد كبير منهم كيتلقّى التدريب والدعم من طرف الحرس الثوري الإيراني، تورطو فعمليات إعدام جماعية استهدفت مدنيين.

مريكان سبق ليها صنّفات لواء البراء بن مالك، التابع لجماعة الإخوان المسلمين السودانية، فشتنبر 2025 بموجب الأمر التنفيذي رقم 14098، بسبب الدور ديالو فالحرب  اللي دايرة فالسودان.

ومن جهة أخرى، قالت واشنطن إن إيران، اللي كتعتبرها الدولة الأولى عالميًا فدعم الإرهاب، كتستعمل الحرس الثوري باش تموّل وتوجّه أنشطة خبيثة فمناطق مختلفة من العالم، وأكدات أنها غادي تستعمل جميع الوسائل المتاحة باش تحرم النظام الإيراني وأي فروع مرتبطة بجماعة الإخوان المسلمين من الموارد اللي ممكن تُستعمل فتنفيذ أو دعم أعمال إرهابية.