الرئيسية > الزين والحداكة > كتقول ان الارض مسطحة وكورونا غير كذوب.. ايمان باطمة بغات الناس تحتارم افكارها: نهار نتعلمو نحتارمو اختلاف الأفكار غادي نزيدو القدام
11/10/2020 20:00 الزين والحداكة

كتقول ان الارض مسطحة وكورونا غير كذوب.. ايمان باطمة بغات الناس تحتارم افكارها: نهار نتعلمو نحتارمو اختلاف الأفكار غادي نزيدو القدام

كتقول ان الارض مسطحة وكورونا غير كذوب.. ايمان باطمة بغات الناس تحتارم افكارها: نهار نتعلمو نحتارمو اختلاف الأفكار غادي نزيدو القدام

نجوى المالحي-كود//

البارح السبت، خرجات إيمان باطمة أخت المغنية دنيا باطمة على الصمت ديالها باش تدوي على موضوع قالت أنه مبرزطها وبغات تعطي رأيها فيه، ولي هو احترام الاختلاف وتقبل الآخر.

أصغر خواتات باطمة تابعها بزاف ديال الصداع واللغيط حيت هي متبعة ستيل مختلف، وعندها افكار كتميل لداكشي ديال نظرية المؤامرة، والارض مسطحة وكورونا ماكيناش، وكل مرة الناس كيكتبو ليها تعاليق على حسابها في انستكَرام طلعو ليها فراسها.

وقالت إيمان “نهار نتعلمو نحتارمو اختلاف الأفكار لي بيناتنا غادي نزيدو القدام، لكن بما أننا مازالين هاكة عمرنا نطفروه. خاصكم تعرفو أن الناس لي مختالفين عارفين نفس الافكار لي نت عارف، غير ملي متقنعش مشا زاد قلب واقتانع كثر بأجوبة منطقية”.

وأضافت المتحدثة “متبقاوش متعصبين لأفكاركم حيت غادي ضرو غير صحتكم، وراه حتى واحد ما احسن من الآخر..كلشي بحال بحال”.

إيمان باطمة ماوضحتاش شنو هو هاد الاختلاف تحديدا، بصفة عامة.

موضوعات أخرى

21/10/2020 07:00

واش بصّح شباط راجع للمغرب باش يترشح فالانتخابات الجاية.. قيادي استقلالي بارز لـ”كود”: شباط انتهى ويستحيل ياخد التزكية باسم الاستقلال وحديث عودته إشاعة ها شكون واقف موراها وها الهدف منها